Scheunstet Wot ess „Tauversicht“, daut bast erfungne Wot ess „Düstersinnig“
Dee Jewenna-Wed vom Plattdeutsch-Wadstriet 2024 tjene unjascheedlicha nich senne. See send sogoa Jeajensatze. „Tauversicht“ (plautd. Toovesecht) ess tom scheunsten plattdeutschen Wot utjetetjend worde.
Bie niee Weda stemmd daut Publikum auf
Abonniere unseren Newsletter!
Enne Kategorie „Aktuellster Ausdruck“ jintj daut om fresch oppjeduckte Weda. Doa jewonn dee Bejriff „Düstersinnig“ (trübsinnig), opp Plautdietsch kunn maun saje „Diestasennich“. Bie dee baste niee Wed kunn sogoa daut Publikum met stemme.
Pries word aum 1. Juni em Schloss Stavenhaben veliehe
Daut Erjewnis von dissem Joah bewiest dee „Sehnsucht vonne Mensche noh eenem fredlichen Meteenaunda en dee Hopninj opp betere Tiede“, heetet vom Heimatvebaund Mecklenburg-Vorpommern en dem Fritz-Reuter-Museum Stavenhagen biem Pries-Veliehe aum Sinnowend, 1. Juni, em Schloss Stavenhagen.
Groota Toospruch vonne Beveltjerung
Ute Beveltjerung gauf daut grooten Toospruch. Meeha auls 180 Ennsendunge worde ennjeretjt. Daut eschte Mol gauf daut eene vom Fritz-Reuter-Literaturmuseum foadich jestalde Internetsied, opp dee aule Veaschlej jesaumelt worde. Doa kunn uck daut Publikum fe dee Nie-Schepfung aufstemme.
Dee baste Redensoat
Jewenna enne Kategorie Redensoat word „Wecker rieden will, de möt ierst rup up ‚t Pierd“ (Wer reiten will, der muss erstmal auf das Pferd raufkommen). Daut Jewenna-Wot „Tauversicht“ word von twee Persoone ennjeretjt. Dee Sieja word derch Loos bestemmt. Den Wadstriet jefft daut von 1995 aun.
Plattdeutsch ess nich Plautdietsch
Plattdeutsch ess nich to vewatjsle met Plautdietsch. Plautdietsch ess dee Sproak vonne Russlauntdietsche, meistens Mennonite. Plattdeutsch woat enn eschta Linie vonne Noddietsche jeredt. Oba vel litjend sich tweschen onsem en janem Plaut.
Twall: Heimatverband Mecklenburg-Vorpommern